NVR嗶嗶叫維修｜錄影機長響唔停、硬碟出錯警報即日上門搞掂

第一步：影低警報訊息同燈號

用手機影低螢幕彈出嘅訊息（例如「硬碟錯誤」、「硬碟滿」、「影像丟失」、「網絡斷開」），再影埋主機前面板嘅燈號同機身型號貼紙。WhatsApp 傳俾我哋，師傅一睇就大概知係邊類問題，到場時會帶啱嘅配件，唔使行多轉。

第二步：暫時靜音，但唔好當搞掂

大部份 NVR 都可以喺主機選單嘅「異常／Exception」設定入面，將對應項目嘅「聲音警告／Buzzer」剔走，聲就會停。Hikvision、Dahua、Uniview 嘅選單名稱略有唔同，唔肯定點揀可以 WhatsApp 我哋，免費教你。記住靜音只係唔響，問題仍然喺度：硬碟壞咗嘅話，主機可能已經停咗錄影。

第三步：唔好不停熄機重開，唔好自己拔硬碟

壞軌嘅硬碟每次重開機都要重新讀寫，壞軌範圍可能越擴越大，入面嘅舊錄影就越難救。自己拔硬碟亦有機會令 NVR 判斷成新硬碟，要求格式化，一按確定就成隻碟清晒。如果需要保留某段錄影作報警或保險用途，請先同師傅講，我哋會先備份再處理。

點解 NVR 唔好用普通電腦硬碟？

監控硬碟同電腦硬碟外表一樣，但設計用途完全唔同。NVR 一年 365 日、每日 24 小時同時寫入幾路甚至十幾路影像，WD Purple、Seagate SkyHawk 呢類監控碟嘅韌體專為多路連續寫入而設，年工作負載額定值亦比一般桌面硬碟高幾倍。用普通電腦硬碟頂住先，初頭可能正常，但通常一兩年內就開始壞軌、甩格、嗶嗶叫，而且壞嘅時候唔會預先通知你。我哋換碟一律用監控專用碟，詳細分別可以睇監控硬碟同桌面硬碟有咩分別。

修好佢定換新？師傅嘅判斷準則

唔係一響就要換主機。師傅睇完日誌同硬碟健康數據後，會照以下原則建議：

我哋唔會因為想做大單而叫你換整套系統。如果只係設定問題，師傅會直接講，改好就收工。

嗶嗶叫之前錄落嘅片仲救唔救到？

要睇硬碟壞到咩程度。如果只係爆滿、設定出錯或者鏡頭斷線，舊錄影完全唔受影響。如果係硬碟壞軌，只要未被格式化、未不停重開機，大部份未受損區域嘅片段都可以先匯出備份，再換新碟。硬碟已經完全偵測唔到嘅話，就要交數據恢復專門處理，成功率同費用會另外講清楚。所以發現嗶嗶叫，最緊要係盡早處理，唔好拖。